Mga Inaatasang Mag-ulat ng Pang-aabuso ng Nasa Hustong Gulang

Iniaatas ng batas ng estado na iulat kaagad sa Mga Serbisyo para sa Proteksyon ng Nasa Hustong Gulang (Adult Protective Services, APS) ng mga inaatasang mag-ulat ang mga kaso ng pinaghihinalaang pang-aabuso o kapabayaan sa isang nakatatanda o nasa hustong gulang.

(800) 814-0009 Hotline ng APS, 24 na oras sa isang araw, 7 araw sa isang linggo

• Mga Emergency:  Tumawag sa 911 kung may nakaambang pisikal na panganib sa isang nakatatanda o dependent na nasa hustong gulang.
• Mga online na ulat na hindi nangangailangan ng agarang atensyon: Magsumite ng referral sa reporttoaps.org.
• Mga ulat na nangangailangan ng agarang atensyon: Tumawag sa Hotline ng APS para sa personal na sagot sa loob ng 24 na oras, na sinusundan ng nakasulat na ulat sa loob ng dalawang araw ng negosyo gamit ang Form SOC 341 (English | Spanish).
• Mga pasalitang ulat na hindi nangangailangan ng agarang atensyon: Tumawag sa Hotline ng APS para gumawa ng pasalitang ulat, na sinusundan ng nakasulat na ulat sa loob ng dalawang araw ng negosyo gamit ang Form SOC 341 (English | Spanish). 
• Pinansyal na pang-aabuso: Dapat tumawag ang mga institusyon ng pananalapi sa hotline ng APS para gumawa ng pasalitang ulat, na sinusunduan ng nakasulat na ulat sa loob ng dalawang araw ng negosyo gamit ang Form SOC 342.

Isumite ang Form SOC 341 o 342:  I-fax ito sa (415) 355-2462, o ipadala ito, sa pamamagitan ng koreo, sa P.O. Box 7988, SF, CA  94120-7988, Attn: APS. 

May mga tanong? Tumawag sa Hotline ng APS para makipag-usap sa isang Integrated Intake Social Worker ng APS. 

Kasama sa mga Inaatasang Mag-ulat ang: 

• Mga care custodian at practitioner sa pangangalaga
• Departamento para sa kapakanan ng county
• Mga empleyado ng:
  • Mga humane society at ahensya para sa pagkontrol ng mga hayop
  • Departamento para sa pagpapatupad at sunog
  • Pagpapatupad ng kodigo sa kalusugan kaugnay ng kapaligiran at kodigo sa gusali
  • Mga institusyon ng pananalapi na naghihinalang may pinansyal na pang-aabuso
• Mga miyembro ng clergy
• Iba pang ahensyang pamproteksyon, pampubliko, sectarian, para sa kalusugan ng pag-iisip, pribadong tulong, o adbokasiya, o taong nagbibigay ng mga serbisyong pangkalusugan o panlipunan
• Sinumang may ganap o hindi ganap na responsibilidad para sa pangangalaga o kustodiya

Para sa mga tanong tungkol sa iyong katayuan bilang inaatasang mag-ulat, tumawag sa (800) 814-0009. 

Iniaatas ng Batas ng California, sa ilalim ng Kodigo sa Kapakanan at Mga Institusyon para sa Pang-aabuso sa Nakatatanda, ang mandatoryong pag-uulat ng pisikal na pang-aabuso, kapabayaan, kapabayaan sa sarili, sekswal na pang-aabuso, problema sa pag-iisip, pinansyal na pang-aabuso, pag-isolate, pag-abandona, o pag-abduct ng isang dependent na nasa hustong gulang kapag:

• Iniulat ng biktima na may nangyaring pang-aabuso o kapag may alam siya tungkol sa pang-aabuso
• Naobserbahan ng inaatasang mag-ulat ang insidente  
• Kapag may pinsala o kundisyon na dahilan para makatuwirang maniwala ang inaatasang mag-ulat na may nangyaring pang-aabuso

Ang hindi pag-uulat ng inaatasang mag-ulat sa pinaghihinalaang pang-aabuso at/o kapabayaan ay isang misdemeanor. Kapag nagresulta ang pang-aabuso sa pagkamatay o matinding pinsala sa nakatatanda, ang parusa sa hindi pag-uulat ay sentensyang hanggang isang taon sa kulungan sa county, $5,000 na multa, o pareho.

Matuto pa tungkol sa pagtukoy sa mga senyales ng pang-aabuso. 

Papanatilihing kumpidensyal ang pagkakakilanlan ng lahat ng taong mag-uulat. Misdemeanor ang paglabag sa pagiging kumpidensyal sa ilalim ng batas. Sa mga nag-iimbestigang ahensya lang, na tinukoy ng batas, puwedeng ihayag ng APS ang mga pangalan ng mga nag-uulat na panig.

Walang sinumang inaatasang mag-ulat ng pang-aabuso sa nakatatanda ang magkakaroon ng kriminal na pananagutan para sa pag-uulat ng pinaghihinalaang pang-aabuso.

Walang sinumang supervisor o administrator ang puwedeng humadlang o pumigil sa pag-uulat.

Puwedeng tumangging magbigay o hindi magbigay ng pahintulot ang isang biktima ng pang-aabuso sa anumang imbestigasyon o probisyon ng mga serbisyo, na masisimulan bilang resulta ng ulat, maliban na lang kung pinaghihinalaang nalabag ang Kodigo Penal.

Ang libreng 90 minutong online na pagsasanay na ito ay nagbibigay ng basic na impormasyon tungkol sa mga kinakailangan sa iniaatas na pag-uulat. Para sa espesyal na pagsasanay, puwedeng makipag-ugnayan ang mga ahensya sa kanilang lokal na tanggapan ng APS o Programa ng Ombudsman para sa Pangmatagalang Pangangalaga. 

• Tingnan ang paglalarawan ng kurso
• Simulan ang pagsasanay